काठमाडौँ । नेकपा एमालेका वरिष्ठ नेता माधवकुमार नेपाल, नेकपा माओवादी केन्द्रका अध्यक्ष पुष्पकमल दाहाल प्रचण्ड र नेपाल कम्युनिष्ट पार्टीका महासचिव नेत्रविक्रम चन्द विप्लवबीच भेटवार्ता भएको छ । बिहीबार वरिष्ठ नेता माधवकुमार नेपालको कोटेश्वरस्थित निवासमा दाहाल, नेपाल र चन्दबीच भेटवार्ता भएको हो ।
नेता नेपालसहित प्रचण्ड, विप्लव र धर्मेन्द्र बाँस्तोलाबीच भेटवार्ता भएको प्रचण्डको सचिवालयले जनाएको छ।
सुरूमा नेपाल र विप्लवबीच कुराकानी भएको थियो । त्यसपछि उक्त छलफलमा प्रचण्ड पनि मिसिएका थिए ।

यसअघि हिजो चन्दले माओवादी केन्द्रका अध्यक्ष पुष्पकमल दाहालसँग खुमलटार नै पुगेर भेटवार्ता गरेका थिए ।