काठमाडौँ। नेकपा एमालेको स्थायी समिति बैठक आज बस्दै छ। एकता कार्यदलको बैठक सकिएपछि बालुवाटारमा स्थायी कमिटीको बैठक बस्ने भएको हो ।

आज अपरान्ह ४ बजेका लागि स्थायी कमिटी बैठक बोलाइएको पार्टी केन्द्रीय कार्यालयका सचिव शेरबहादुर तामाङले जानकारी दिए ।

अध्यक्ष ओली र वरिष्ठ नेता माधवकुमार नेपाल पक्षबीच सिंहदरबारमा कार्यदलको बैठक भइरहेका बेला स्थायी कमिटी बैठक बोलाइएको हो ।

कार्यदलले तयार पारेको सहमतिका बुँदालाई स्थायी कमिटीले अनुमोदन गर्ने कार्यदलका नेताहरूले बताइरहेका छन्।