काठमाडौँ। अमेरिकाले नेपाली सेनालाई (रेस्क्यु बोट) उद्धार डुंगा उपलब्ध गराएको छ। बाढी तथा डुवानजस्ता जलउत्पन्न प्रकोपबाट उद्धार तथा राहत काममा उपयोगी हुने त्यस्ता चारवटा डुंगा मित्रराष्ट्र अमेरिकाले आजै नेपाली सेनालाई सहयोग स्वरुप उपलब्ध गराएको हो।

अमेरिकी राजदुतावास काठमाडौँमा आयोजित एक कार्यक्रममा आउट बोर्ड मोटर सहितका ती डुंगाहरु नेपाली सेनालाई हस्तान्तरण गरेर उपलब्ध गराएको नेपाली सेनाले बताएको छ।

अमेरिकाले उपलब्ध गराएका ती साधनबाट बाढी उत्पन्न प्रकोपमा परेका मानिसहरुलाई उद्धार गर्न तथा तत्काल राहत पुर्याउन सहयोगी हुने सेनाले विश्वास गरेको छ।