काठमाडौँ। धादिङको बेनीघाट रोराङ गाउँपालिकास्थित पृथ्वी राजमार्गको चरौँदी ज्यामिरे घाटबाट एउटा ट्रक त्रिशुली नदीमा खसेको छ।

वीरगञ्जबाट काठमाडाैंआउदै गरेको ना ३ ख ८०७४ नम्वरको ट्रक मंगलबार बिहान त्रिशुली नदीमा खसेको हो ।

ट्रकको खोजी कार्य जारी रहेको इलाका प्रहरी कार्यालय गजुरीले जनाएको छ ।

वीरगन्जबाट काठमाडाैंका लागि छुटेको कपडा लोड गरिएको ट्रक दुर्घटनामा परेको आशंका गरिएको बताइएको छ ।

तर नदीको बहाव निकै ठूलो भएकोले ट्रक नदीले बगाएर बेपत्ता भएको अनुमान प्रहरीको छ ।

बेपत्ता हुने सवारी चालकको पहिचान खुल्न सकेको छैन ।