काठमाडौँ। प्रतिनिधिसभा विघटनविरुद्धको फैसला सुनाउने तयारी भइरहेको बेलामा सर्वोच्च अदालत परिसरमा सुरक्षा व्यवस्था कडा बनाइएको छ।

प्रधानमन्त्री केपी शर्मा ओलीले जेठ ८ गते गरेको संसद् विघटनविरुद्ध परेको मुद्दाको फैसला सुनाउन सक्ने भएकाले अदालत आसपास सुरक्षा व्यवस्था बढाइएको हो ।

संसद् विघटनविरुद्ध परेको रिटमा आज पेसी चढेको छ । यसअघि नै सुनुवाइ सकिएपछि आज मुद्दाको फैसला हुनसक्ने बताइएको थियो ।

सर्वोच्च आसपास वरपर बाक्लो मात्रामा सुरक्षाकर्मी खटाइएको छ ।

यसअघि संसद विघटन बदरको फैसला सुनाउने दिन पनि सुरक्षा व्यवस्था बढाएको थियो ।