☰
१) गाउँमा धेरै नै कष्टपूर्ण जीवन बिताएकी छु ।
२) केही गर्नुपर्छ भन्ने प्रेरणा पाएपछि संघर्षमा होमिएकी हुँ ।
३) माओवादी जनयुद्धमा लागेर धेरै कुरा सिक्ने मौका पाएँ ।
४) क्यान्टोनमेन्टमा रहँदा सिकेको खेलले दौडमा अगाडी बढ्ने प्रेरणा मिलेको हो ।
५) जीविकोपार्जन गर्न मुस्किल भइरहेको अवस्थामा मुक्ति युद्धमा लागेर आफू, आफ्नो परिवार र समुदायकै लागि केही गर्न सकिएला भनेर जनयुद्धमा लागेकी हुँ । त्यहीँबाट नै खेलमा लाग्ने प्रेरणा मिलेको हो ।
६) जनसेनाको क्यान्टोनमेन्टमा विविध प्रकारका खेलहरु खेलाइन्थ्यो । सोही अवसरमा मैले कराँते सिकेकी हुँ । धावक त म अलि पछि मात्रै बनेकी हुँ ।
७) गरिवीका कारण पढ्न, लेख्न नपाइरहेको समयमा जनयुद्धले नै मलाई केही गर्नुपर्छ भन्ने मौका दिएको हो ।
८) ओरेक नेपाल नामको संस्थाको सहयोगमा कृषि शिक्षा पनि पढेकी छु ।
९) कुनैपनि काममा सफलता पाउनका लागि अनुशासन चाहिन्छ ।
१०) नेपालको खेल क्षेत्र काम चलाउ मात्रै जस्तै लाग्छ ।
११) खेल क्षेत्र र खेलाडीलाई राज्यले गर्नुपर्ने लगानी गरेको छैन ।
१२) मीरा राई इसिसियसन नामको संस्था गठन गरेर खेलाडी जन्माइरहेकी छु ।
१३) परिवर्तन आफैबाट सुरु गर्नुपर्छ ।
१४) नेपालमा परिवर्तनको कुरा धेरै नै गरिन्छ तर व्यवहारमा गरिएको छैन, बरु व्यवहारमा अर्कै गरिएको छ ।
