काठमाडौँ अमेरिकाबाट अनुदानमा प्राप्त कोरोनाविरुद्धको खोप आजदेखि लगाउन शुरु भएको छ । प्रधानमन्त्री शेरबहादुर देउवाले सोमबार बिहान काठमाडौंको जोरपाटीस्थित नेपाल अर्थोपेडिक अस्पतालको खोप केन्द्रबाट जोन्सन एण्ड जोन्सनको खोप लगाउने कार्यको शुभारम्भ गरेका छन् ।

खोप कार्यक्रमको शुभारम्भ गर्दै देउवाले आफ्नो सरकारको प्रमुख प्राथमिकता खोप भएको बताए। ‘मेरो सरकारको प्राथमिकता सबैलाई कोरोना विरुद्धको खोप हो। खोप सहज रुपमा लगाउने प्रवन्ध गर्न निर्देशन पनि गरेको छु’, उनले भने।

सो समारोहमा नेपालका लागि अमेरिकी राजदूत र्‍यान्डी बेरी पनि सहभागी थिए।

प्रधानमन्त्री देउवाले सो अवसरमा खोप केन्द्रको अनुगमनसमेत गरेका थिए।

जोन्सन एण्ड जोन्सनको खोप आजदेखि ६ गतेसम्म काठमाडौंका ४४ वटा केन्द्रबाट दिइनेछ ।