कर्णाली। नेकपा एमाले कर्णाली प्रदेश संसदीय दलको बैठकमा पुनःबहाली भएका प्रदेशसभाका चार सदस्य अनुपस्थित भएका छन् । अनुपस्थित हुनेमा प्रकाश ज्वाला, अम्मरबहादुर थापा, कुर्मराज शाही र नन्दसिंह बुढा छन् ।

संसदीय दलको बैठकमा सहभागी हुन एमालेले आमन्त्रण गरेपनि चारैजना सदस्य बैठकमा अनुपस्थित भएको भूमि व्यवस्था, कृषि तथा सहकारीमन्त्री कुर्मराज शाहीले जानकारी दिए । आज बिहानको सो दलको बैठकमा उपस्थित हुन उनीहरुलाई पत्राचार गरिएको बताइएको छ ।

प्रदेशसभाको आजको बैठकमा प्रदेश सरकारको नीति तथा कार्यक्रम निर्णयार्थ पेश गरिने र बजेट सार्वजानिक गर्ने कार्यसूची छ।