काठमाडौँ। साताको कारोबारको अन्तिमदिन शुक्रबार नेपाली बजारमा सुनको मूल्य स्थिर देखिएको छ।

नेपाल सुनचाँदी व्यवसायी महासंघले दिएको जानकारीअनुसार आज छापावाल सुन प्रतितोला १ लाख ९ सय रुपैयाँमा कारोबार भइरहेको छ भने तेजावी सुन प्रतितोला १ लाख ४ सय रुपैयाँमा कारोबार भइरहेको छ।

यस्तै आज चाँदीको भाउ भने घटेको छ। आज चाँदी तोलामा २० रुपैयाँले घटेर प्रतितोला १ हजार ३६० मा कारोबार भइरहेको महासंघले जनाएको छ।