काठमाडौँ। नेपाली बजारमा मंगलबार सुनको मूल्यमा सामान्य गिरावट आएको छ ।

नेपाल सुनचाँदी व्यवसायी महासंघका अनुसार मंगलबार छापावाल सुनको भाउ तोलामा ४ सय रुपैयाँले घटेर एक लाख दुई हजार एक सय रुपैयाँ कायम भएको छ ।

यस्तै तेजावी सुनको भाउ तोलाको एक लाख एक हजार ६ सय रुपैयाँ कायम भएको छ ।

यसैगरी आज चाँदीको भाउ भने स्थिर रहेको छ । मंगलबार चाँदी तोलामा १ हजार ४२० रुपैयाँमा किनबेच भइरहेको महासंघले जनाएको छ ।