काठमाडौँ। ललितपुरमा बन्दकर्ताले एउटा साझा बस तोडफोड गरेका छन् । मंगलबार बिहान ललितपुरको इटी चोकमा पेट्रोलपम्प नजिक बन्दकर्ताले बा ५ ख ८७५५ नम्बरको साझा बस तोडफोड गरेका हुन् ।

बन्दमा बस चलाएको भन्दै बन्दकर्ताले ढुंगामुढा गर्दा साझा बसको पछाडिपट्टीको भागमा सामान्य क्षति पुगेको महानगरीय प्रहरी कार्यालय रानीपोखरीले जनाएको छ।

बन्द गराउन खोज्ने केहीलाई प्रहरीले पक्राउ गरेको छ । काठमाडौंबाट २१ जना र ललितपुरबाट एकजना बन्दकर्तालाई पक्राउ परेको बताइएको छ।

पेट्रोलियम पदार्थमा भएको मूल्यवृद्धिको विरोधमा विप्लव नेतृत्वको नेकपाले बन्द आह्वान गरेको हो ।