रोल्पा। रोल्पामा जिप दुर्घटना हुँदा तीन जनाको मृत्यु भएको छ भने तीन जना घाइते भएका छन् ।

माडी गाउँपालिका–६ हान्निङबाट घर्तीगाउँतर्फ जाँदै गरेको रा १ ज ३८२ नम्बरको यात्रुवाहक जिप दुर्घटना हुँदा दुई जना पुरुष र एक जना महिलाको घटनास्थलमै ज्यान गएको रोल्पाका प्रहरी प्रमुख डीएसपी नरेशराज सुवेदीले जानकारी दिए ।

जीप दुर्घटनामा माडी–६ हान्निङका ५१ वर्षीय रुद्र पुन, ५३ वर्षीय टेकबहादु पुन र ४७ वर्षीया चौसरा विककाे ज्यान गएकाे छ ।

दुर्घटनामा सोही वडाका २१ वर्षीया दीना घर्ती, १८ वर्षीय पुन र २१ वर्षीया कल्पना विक घाइते भएका छन् । घाइते भएका तीन जनालाई उपचारका लागि रोल्पा अस्पताल रेउघा ल्याइँदै गरिएको प्रहरीले बताएको छ।