काठमाडौँ। बेलायतमा कोरोना महामारीको तेस्रो तहर देखापर्न थालेको छ। शुक्रबार बेलुकाको तथ्याङक अनुसार त्यहाँ पछिल्लो २४ घण्टामा ६ हजार २ सय ३८ जना मानिसमा कोरोना संक्रमण पुष्टी भयो, त्यस्तै सोही समय अन्तरालमा सो देशमा ११ जनाको संक्रमनकै कारण ज्यान गयो।

बेलायतमा दुई महिनापछि पहिलोपटक संक्रमितको संख्या ६ हजार नाघेको हो । यसअघि पछिल्लोपटक २५ मार्चमा ६ हजार १ सय १८ संक्रमित भेटिएका थिए । विज्ञहरुलाई कोरानो डेल्टा भेरिएन्ट भेटिएको हुनसक्ने चिन्ता छ । यो भेरिएन्ट सबैभन्दो पहिले भारतमा भेटिएको थियो । भारतमा संक्रमितको संख्या ह्वात्तै बढ्नुमा यही भेरिएन्ट कारक रहेको बताइएको छ ।

बेलायतमा मेइ महिनाको अन्तिम सातादेखि संक्रमण बढ्न थालेको थियो । यहाँ अंग्रेजी महिना मेइको सुरुवातमा दैनिक २ हजारमा संक्रमण देखिएको थियो । यो संख्या बढेर २८ मेइमा ४ हजार नाघ्यो । त्यसपछि केही दिन संक्रमितको संख्या घटेको थियो । तर जून लागेसँगै ५ हजार नाघ्यो र अहिले ६ हजार नाघेको छ ।