काठमाडौँ। प्रधानमन्त्री केपी शर्मा ओलीले इतिहास झल्किने गरी नयाँ प्रविधिको प्रयोग गरी धरहरा पुनर्निर्माण भएको बताएका छन् ।

शनिबार पुनर्निर्मित धरहराको उद्घाटन समारोहलाई सम्बोधन गर्दै प्रधानमन्त्री ओलीले आफ्नो अवधारणा अनुसार इतिहास झल्कने र प्रविधि टल्कने गरी बनेको बताए ।

‘अहिले पहिलाको जस्तो धरहरा देख्दा हामी सबैलाई खुसी बनाएको छ । यो धरहरा सुन्दर र आकर्षित तर मजबुद बनेको छ । हामीले ल्याएको अवधारणा अनुसार इतिहास झल्कने धरहरा पुनर्निर्माणमा जुट्ने सबैलाई हार्दिक धन्यवाद दिन्छु ।’

उनले धरहराको उद्घाटन गर्न पाउँदा खुसी लागेको बताए । नयाँ धरहरा निर्माणसँगै धरहरा भत्ककँदा भएको सबै क्षतिको परिपूर्ति गर्ने बाटोमा सरकारलागेको उनको भनाइ थियो ।