काठमाडौँ। नेपालमा पछिल्लो समय कोरोना भाइरसको संक्रमण भयावह रुपमा फैलिदै गएको छ। स्वास्थ्य तथा जनसंख्या मन्त्रालयका आनुसार पछिल्लो २४ घण्टामा देशभर थप २५ सय ५९ जनामा कोरोना सङ्क्रमण पुष्टि भएको छ । कूल ९ हजार ६६४ जनाको परीक्षण गर्दा पीसीआर विधिबाट २४४९ तथा एन्टिजेन विधिबाट ११० जनामा संक्रमण पुष्टि भएको हो । योसँगै नेपालमा कूल संक्रमितको संख्या २ लाख ९४ हजार ६०१ पुगेको छ ।

यस्तै पछिल्लो २४ घण्टामा थप ४१० जना निको भएका छन् । योसँगै नेपालमा हालसम्म २ लाख ७६ हजार ७५५ जना निको भएका छन् ।

यसैगरी पछिल्लो २४ घण्टाको अवधिमा ५ जनाको मृत्यु भएको छ । योसँगै नेपालमा कोभिड–१९ को संक्रमणबाट मृत्यु हुनेको संख्या ३ हजार १२२ पुगेको छ ।

नेपालमा सक्रिय संक्रमितको संख्या १४ हजार ७२४ रहेको छ । यसमध्ये ५२ जना आईसीयूमा १७० तथा ५९ जना भेन्टिलेटरमा रहेका छन् ।