☰
मंसिर १२, काठमाडौं । नेपाली कांग्रेसका सभापति शेरबहादुर देउवाले पार्टीका शीर्ष नेताहरूसँग छलफल गरिरहेका छन् । बूढानीलकण्ठस्थित आफ्नै निवास सभापति देउवाले पार्टीका शीर्ष नेताहरूसँग छलफल गरिरहेका हुन् । कांग्रेस प्रवक्ता डा. प्रकाशशरण महतले समसामयिक विषयमा छलफल भइरहेको बताए ।
बैठकमा प्रधानमन्त्री केपी शर्मा ओलीको चीन भ्रमण, बेल्ट एन्ड रोड इनिसिएटिभ (बीआरआई)बारे पनि छलफल हुनेछ । बीआरआईबारे पार्टीको धारणा सार्वजनिक भइसकेको र त्यसकै आधारमा छलफल भइरहेको महतले जानकारी दिए ।
बैठकमा सभापति देउवा, उपसभापति पूर्णबहादुर खड्का, महामन्त्रीद्वय गगन थापा र विश्वप्रकाश शर्मा, प्रवक्ता डा. महत, राष्ट्रियसभा कांग्रेस संसदीय दलका नेता कृष्णप्रसाद सिटौलालगायत नेताहरू सहभागी छन् ।
