क्यानबेरा । क्यानडाले विज्ञप्ति जारी गर्दै भारतका प्रधानमन्त्री नरेन्द्र मोदी र अन्य वरिष्ठ अधिकारीहरूमाथि लगाइएको आरोप निराधार भएको जनाएको छ । ‘क्यानडासँग प्रधानमन्त्री मोदी, मन्त्री जयशंकर (विदेशमन्त्री एस जयशंकर) र एनएसए डोभाल (अजित डोभाल)लाई क्यानडाभित्र आपराधिक गतिविधिसँग जोड्ने कुनै प्रमाण छैन’ विज्ञप्तिमा भनिएको छ ।

‘द ग्लोब एन्ड मेल’ नामक पत्रिकामा भारतीय प्रधानमन्त्रीको नाम आएपछि क्यानडाले यस्तो वक्तव्य जारी गरेको हो । क्यानडा सरकारले ती आरोपहरू काल्पनिक र गलत भएको बताएको छ । बयान क्यानडाका प्रधानमन्त्री जस्टिन टुडोको प्रिभि काउन्सिलका डेपुटी क्लर्क र राष्ट्रिय सुरक्षा सल्लाहकार नथाली जी ड्रोइनको तर्फबाट जारी गरिएको हो ।’
‘अक्टोबर १४ मा सार्वजनिक सुरक्षामा खतरालाई ध्यानमा राख्दै, रोयल क्यानेडियन माउन्टेड पुलिस (आरसीएमपी) र अधिकारीहरूले सार्वजनिक रूपमा भारत सरकारका एजेन्टहरूलाई क्यानडामा आपराधिक गतिविधिको आरोप लगाएका थिए’ विज्ञप्तिमा लेखिएको थियो ।
क्यानडाको एउटा अखबारमा प्रकाशित समाचारमा हरदीपसिंह निज्जरको हत्याको कथित षड्यन्त्रमा शीर्ष भारतीय नेताहरू संलग्न रहेको आरोप लगाइएको थियो ।