हङकङ । हङकङको एक अदालतले प्रजातन्त्र समर्थक कार्यकर्तालाई १० वर्षसम्मको जेल सजाय सुनाएको छ । यी लोकतन्त्र समर्थक कार्यकर्ताहरू विवादास्पद राष्ट्रिय सुरक्षा कानुनको विरुद्धमा उत्रिएका थिए ।
अदालतले प्रजातन्त्र समर्थक कार्यकर्ता बेनी ताईलाई १० वर्ष सजाय सुनाएको छ । जोसुवा वोङलाई पनि चार वर्षभन्दा बढी जेल सजाय सुनाइएको छ । अदालतले ४७ जना कार्यकर्ता, विपक्षी सांसद र अधिकांश सर्वसाधारणलाई तोडफोडको षड्यन्त्र गरेको अभियोगमा दोषी ठहर गरेको छ ।

अमेरिकाले यस फैसलालाई राजनीतिबाट प्रेरित भनेको छ । चीन र हङकङले भने कानुन र स्थिरताका लागि यो आवश्यक भएको बताएका छन् ।