२३ असोज, रौतहट । रौतहटमा अज्ञात हतियारधारी समूहले एक जना सुनचाँदी व्यवसायीमाथि साङ्घातिक आक्रमण गरेको छ । गएराति अज्ञात समूहले गढीमाई नगरपालिका–१ समनपुरका सुनचाँदी व्यवसयी चन्दन साह सोनारको टाउको र हातमा खुकुरी प्रहार भएको हो ।

घाइते सोनारलाई गरुडामा सामान्य उपचार पछि थप उपचारका लागि वीरगंजस्थित वयोधा अस्पताल पठाइएको छ ।  घाइते व्यवसायीकोअवस्था खतरा मुक्त रहेको प्रहरीले जनाएको छ ।

जिल्ला प्रहरी कार्यालय रौतहटका प्रमुख दिलीप घिमिरेले घटनास्थलमा प्रहरीले खुकुरी १ थान र कटुवा पेस्तोल थान –१ फेला पारेको जानकारी दिए ।  घटनामा संलग्नहरूको खोजीकार्य भइरहेको जिल्ला प्रहरी कार्यालय रौतहटले जनाएको छ ।