☰
नेकपा (माओवादी केन्द्र) को भ्रातृ संगठन अनेरास्ववियु (क्रान्तिकारी) मा उमेर हदबारे आज मतदान हुँदै छ। सोमबार अबेर रातिसम्म बसेको कार्यलय टिमले मंगलबार उमेर हदका बारेमा निर्वाचन गर्ने सहमति गरेका थियो ।
आज मतदान प्रक्रिया सुरू हुने पूर्वउपाध्यक्ष जीपी मैनालीले जानकारी दिए । उनले भने, ‘२८, ३०, ३२ उमेर हद लगाउने नलगाउने बारेको मत दान हुनेछ । आज उमेर हदका बारेमा मतदानबाट टुङ्गो लगाउँछौँ । भोलि नयाँ नेतृत्वको लागि मतदान हुनेछ ।’
क्रान्तिकारीमा सोमबारसम्म प्रतिनिधिको पनि टुङ्गो लागेको थिएन । हिजो राति अबेरसम्म छलफल गरेर प्रतिनिधिबारेको विवाद टुंगो लगाएको मैनालीले बताए । उनले भने, ‘प्रतिनिधिको टुङ्गो लगाएका छौँ । आज उमेरहदबारे र भोलि नेतृत्वका निर्वाचन हुनेछ ।’
गत १० असोजदेखि सुरू भएको राष्ट्रिय सम्मेलनको बन्दसत्रमा उमेरहद लागू गर्नेरनगर्नेबारे बहस भइरहको थियो । माओवादी पदाधिकारीले पनि उमेर हदबारे निर्णय गर्न विद्यार्थीलाई नै जिम्मा दिएको छ ।
सोमबार सम्मेलनस्थलमा कुर्सी हानाहान र नाराजुलुस भएपछि उमेर हद टुङ्ग्याउने भनेको निर्वाचन प्रक्रिया नै सुरु हुन सकेन । निर्वाचन प्रक्रिया लम्बिएसँगै सम्मेलनको अवधि पनि लम्बिने भएको छ । यसअघि मंगलबार सम्मेलन सक्ने तयारी क्रान्तिकारीको थियो ।
अखिल क्रान्तिकारीमा उमेर हद लगाउने या नलगाउने तथा लगाए कति वर्षसम्म लगाउने भन्नेमा विवाद छ ।
