काठमाडौं ।  राष्ट्रिय स्वतन्त्र पार्टीका  ढाकाकुमार श्रेष्ठलाई पक्राउ गरिएको छ ।  बिहीबार प्रहरीले पोखराबाट उनलाई पक्राउ गरेको हो ।

उनले सञ्चालन गरेको दिया फार्मेसीबाट लागुऔषध बिक्री गरेको आरोपमा उनलाई पक्राउ गरिएको प्रहरीले जनाएको छ ।

गत साउन ३ गते लागुऔषधसहित पक्राउ परेका रोल्पा घर भई पोखरा बस्ने ४२ वर्षका प्रकाश थापामगर माथि अनुसन्धान गर्ने क्रममा श्रेष्ठ पक्राउ परेको जिल्ला प्रहरी कार्यालय कास्कीले जनाएको छ । मगरले उक्त औषधि दिया फार्मेसीबाट खरिद गरेको भनेर बयान दिएका थिए ।

समानुपातिक सांसद रहेको श्रेष्ठले मेडिकल व्यवसायी दुर्गा प्रसाईंसँग दुई करोड रुपैयाँ घुस मागेको अडियो बाहिरिएपछि रास्वपाले उनलाई निलम्बित गरेका थियो ।