काठमाडौँ । टुँडिखेलमा गौरा पर्वको कार्यक्रममा प्रधानमन्त्री केपी शर्मा ओली र कांग्रेस सभापति विरुद्ध भएको नाराबाजीलाई गम्भीरता पूर्वक लिएको गृहमन्त्री रमेश लेखकले बताएका छन् ।

शुक्रवार गृह मन्त्रालयमा पत्रकार सम्मेलन गरेर उनले भने, ‘आलोचना गर्दा सभ्यता र संस्कृति पनि हेर्नुपर्छ, सांस्कृतिक कार्यक्रममा गएर राजनीतिक ढङ्गले नाराबाजी गर्ने कुरा हाम्रो सभ्यतासँग मेल खान्छ ?’

आफ्नो मञ्च र सडकमा जतिसुकै विरोध गर्न पाइने लेखकले बताए । उनले भने, ‘तर, विरोध गर्दा अरूको भावनालाई पनि ख्याल गर्नुपर्छ ।’