काठमाडौँ । देशभर थप १९ जनामा कोरोना सङ्क्रमण पुष्टि भएको छ । स्वास्थ्य तथा जनसंख्या मन्त्रालयका अनुसार पछिल्लो २४ घण्टामा २ हजार ३७३ जनाको आरटी पीसीआर विधिबाट परीक्षण गर्दा १९ जनामा संक्रमण पुष्टि भएको हो। १ हजार ४४८ जनाको एन्टिजेन विधिबाट परीक्षण गर्दाभने कुनैमा पनि संक्रमण देखिएको छैन । योसँगै नेपालमा कोरोना संक्रमितको कुल संख्या ११ लाख १९ हजार ८० पुगेको छ ।

यस्तै पछिल्लो २४ घण्टामा देशभर १८ संक्रमित निको भएका छन् । योसँगै नेपालमा कोरोना संक्रमण मुक्त हुनेहरुको संख्या ९ लाख ६६ हजार ७१५ पुगेको छ । पछिल्लो २४ घण्टामा १ जनाको मृत्यु भएको छ मन्त्रालयले जनाएको छ ।

हालसम्म नेपालमा कोरोनाका कारण ११ हजार ९५२ ले ज्यान गुमाइसकेका छन् । हाल नेपालमा २ सय १७ जना सक्रिय संक्रमितहरु आइसोलेशनमा रहेका छन् ।