काठमाडौँ। देशभर थप ३२ जनामा कोरोना सङ्क्रमण पुष्टि भएको छ । स्वास्थ्य तथा जनसंख्या मन्त्रालयका अनुसार पछिल्लो २४ घण्टामा १ हजार ५०४ जनाको आरटी पीसीआर विधिबाट परीक्षण गर्दा २९ जना र १ हजार ५९० जनाको एन्टिजेन विधिबाट परीक्षण गर्दा ३ जनामा गरी जम्मा ३२ जनामा सङ्क्रमण देखिएको हो । योसँगै नेपालमा कोरोना संक्रमितको कुल संख्या ११ लाख १९ हजार ०६१ पुगेको छ ।

त्यस्तै पछिल्लो २४ घण्टामा देशभर २३ संक्रमित निको भएका छन् । योसँगै नेपालमा कोरोना संक्रमण मुक्त हुनेहरुको संख्या ९ लाख ६६ हजार ६९७ पुगेको छ । पछिल्लो २४ घण्टामा पनि कसैको मृत्यु नभएको मन्त्रालयले जनाएको छ ।

हालसम्म नेपालमा कोरोनाका कारण ११ हजार ९५१ ले ज्यान गुमाइसकेका छन् । हाल नेपालमा २ सय १७ जना सक्रिय संक्रमितहरु रहेका छन् ।