काठमाडौं । देशभर थप १३ जनामा कोरोना सङ्क्रमण पुष्टि भएको छ ।

पछिल्लो २४ घण्टामा देशभर गरिएको ३ हजार १ सय ४४ जनाको पीसीआर परीक्षणका क्रममा ११ जना र १ हजार १ सय ११ एन्टिजेन परीक्षणका क्रममा २ जनामा गरी जम्मा १३ जनामा सङ्क्रमण पुष्टि भएको हो ।

यस्तै कोरोनाका कारण आइतबार पनि कसैको मृत्यु नभएको स्वास्थ्य मन्त्रालयले जनाएको छ । त्यस्तै थप २५ संक्रमित कोरोनामुक्त हुँदा हालसम्म नेपालमा ९ लाख ६६ हजार ५ सय २३ जना निको भएका छन् ।

हाल नेपालमा २ सय ६९ सक्रिय संक्रमित आइसोलेशनमा रहेको मन्त्रालयले जनाएको छ ।