काठमाडौं । देशभर थप ४ जनामा कोरोना सङ्क्रमण पुष्टि भएको छ । स्वास्थ्य तथा जनसंख्या मन्त्रालयका अनुसार पछिल्लो २४ घण्टामा २ हजार २६२ जनाको आरटी–पीसीआर विधिबाट परीक्षण गर्दा ३ जना र १ हजार ८० जनाको एन्टिजेन विधिबाट परीक्षण गर्दा थप १ जनामागरी जम्मा ४ जनामा संक्रमण देखिएको हो ।योसँगै नेपालमा कोरोना संक्रमितको कुल संख्या ११ लाख १८ हजार ७९२ पुगेको छ । हाल नेपालमा ४ सय ७९ जना सक्रिय संक्रमितहरुका रहेका छन् ।

यस्तै पछिल्लो २४ घण्टामा देशभर ४४ जना निको भएर घर फर्किएका छन् । योसँगै नेपालमा कोरोना संक्रमणमुक्त हुनेहरुको संख्या ९ लाख ६६ हजार २०४ पुगेको छ ।

पछिल्लो २४ घण्टामा देशभर ३ हजार ३४२ जनाको परीक्षण हुँदा हालसम्म कुल ६७ लाख ३६ हजार ०५१ जनाको पीसीआर–एन्टिजेन परीक्षण भएको छ ।

यसैगरी पछिल्लो २४ घण्टामा कोरोना संक्रमणका कारण कुनै पनि संक्रमितको मृत्यु भएको छैन । हाल नेपालमा कोरोना संक्रमणबाट मृत्यु हुनेको संख्या ११ हजार ९५१ पुगेको छ ।