काठमाडौं । देशभर थप २५ जनामा कोरोना सङ्क्रमण पुष्टि भएको छ । स्वास्थ्य तथा जनसंख्या मन्त्रालयका अनुसार पछिल्लो २४ घण्टामा ३ हजार ६२३ जनाको आरटी–पीसीआर विधिबाट परीक्षण गर्दा २४ जना र १ हजार ३२८ जनाको एन्टिजेन विधिबाट परीक्षण गर्दा १जनामा गरी जम्मा २५ जनामा सङ्क्रमण पुष्टि भएको हो ।योसँगै नेपालमा कोरोना संक्रमितको कुल संख्या ११ लाख १८ हजार ५५९ पुगेको छ ।

यस्तै पछिल्लो २४ घण्टामा देशभर ८९ जना निको भएर घर फर्किएका छन् । योसँगै नेपालमा कोरोना संक्रमणमुक्त हुनेहरुको संख्या ९ लाख ६५ हजार ३९४ पुगेको छ ।

पछिल्लो २४ घण्टामा देशभर ४ हजार ९५१ जनाको परीक्षण हुँदा हालसम्म कुल ६६ लाख ७३ हजार ३०३ जनाको पीसीआर–एन्टिजेन परीक्षण भएको छ ।

यसैगरी पछिल्लो २४ घण्टामा कोरोना संक्रमणका कारण कुनै पनि संक्रमितको मृत्यु भएको छैन । हाल नेपालमा कोरोना संक्रमणबाट मृत्यु हुनेको संख्या ११ हजार ९५१ पुगेको छ ।