काठमाडौं । देशभर थप ८ जनामा कोरोना सङ्क्रमण पुष्टि भएको छ । पछिल्लो २४ घण्टामा १ हजार ६९६ जनाको आरटी–पीसीआर विधिबाट परीक्षण गर्दा ८ जना र ९ सय ५९ जनाको एन्टिजेन विधिबाट परीक्षण गर्दा कसैमा पनि संक्रमण पुष्टि नभएको स्वास्थ्य तथा जनसंख्या मन्त्रालयले जनाएको छ। योसँगै नेपालमा कोरोना संक्रमितको कुल संख्या ११ लाख १८ हजार ४२२ पुगेको छ ।

यस्तै पछिल्लो २४ घण्टामा देशभर २ सय १० जना निको भएर घर फर्किएका छन् । योसँगै नेपालमा कोरोना संक्रमणमुक्त हुनेहरुको संख्या ९ लाख ६४ हजार ६०८ पुगेको छ ।

पछिल्लो २४ घण्टामा देशभर २ हजार ६५५ जनाको परीक्षण हुँदा हालसम्म कुल ६६ लाख ४६ हजार १५८ जनाको पीसीआर–एन्टिजेन परीक्षण भएको छ ।

यसैगरी पछिल्लो २४ घण्टामा कोरोना संक्रमणका कारण कुनै पनि संक्रमितको मृत्यु भएको छैन । हाल नेपालमा कोरोना संक्रमणबाट मृत्यु हुनेको संख्या ११ हजार ९५१ पुगेको छ ।