विराटनगर ।  मोरङको लेटाङमा सोमवारदेखि लगाइएको कर्फ्यू खुकुलो बनाइएको छ ।

जिल्ला सुरक्षा समितिको मंगलवार बसेकाे बैठकपछि  कर्फ्यू खुकुलो बनाइएको हो । बिहान १०-४ बजेसम्म र साँझ ६ बजेदेखि बिहान ६ बजेसम्म कर्फ्यू लगाउने निर्णय गरिएको प्रमुख जिल्ला अधिकारी (सीडीओ) काशिराज दाहालले बताए ।

सोमवार बिहान ७ बजेदेखि अर्को निर्णय नहुञ्जेलसम्मका लागि भन्दै लेटाङका ४ वटा वडामा जिल्ला प्रशासन कार्यालय मोरङले कर्फ्यू आदेश जारी गरेको थियो । छात्रामाथि यौन दुव्र्यवहार गरेको आरोप लागेका शिक्षकलाई कालोमोसो दलेर गाउँ घुमाउने माग राख्दै स्थानीय तथा विद्यार्थीले आन्दोलन गरेपछि विवाद चर्किएको हो ।