काठमाडौँ। देशभर थप ५१ जनामा कोरोना सङ्क्रमण पुष्टि भएको छ । पछिल्लो २४ घण्टामा २ हजार ५९२ जनाको आरटी–पीसीआर विधिबाट परीक्षण गर्दा १२ जना र ३ हजार ३२२ जनाको एन्टिजेन विधिबाट परीक्षण गर्दा ३९ जनामा गरी जम्मा ५१ जनामा सङ्क्रमण पुष्टि भएको स्वास्थ्य तथा जनसंख्या मन्त्रालयले जनाएको छ। योसँगै नेपालमा कोरोना संक्रमितको कुल संख्या ११ लाख १८ हजार १८० पुगेको छ ।

यस्तै पछिल्लो २४ घण्टामा देशभर ३ सय ९२ जना निको भएर घर फर्किएका छन् । योसँगै नेपालमा कोरोना संक्रमणमुक्त हुनेहरुको संख्या ९ लाख ६२ हजार १७३ पुगेको छ ।

पछिल्लो २४ घण्टामा देशभर ५ हजार ९१४ जनाको परीक्षण हुँदा हालसम्म कुल ६६ लाख ०८ हजार ५६७ जनाको पीसीआर–एन्टिजेन परीक्षण भएको छ ।

यसैगरी पछिल्लो २४ घण्टामा कोरोना संक्रमणका कारण कुनै पनि संक्रमितको मृत्यु भएको छैन । हाल नेपालमा कोरोना संक्रमणबाट मृत्यु हुनेको संख्या ११ हजार ९५० पुगेको छ ।