काठमाडौँ। देशभर थप २ सय ७५ जनामा कोरोना सङ्क्रमण पुष्टि भएको छ । पछिल्लो २४ घण्टामा ५ हजार ४५२ जनाको आरटी–पीसीआर विधिबाट परीक्षण गर्दा १ सय ५८ जना र ३ हजार १७६ जनाको एन्टिजेन विधिबाट परीक्षण गर्दा १ सय १७ जना गरी जम्मा २७५ जनामा संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ। योसँगै नेपालमा कोरोना संक्रमितको कुल संख्या ११ लाख १५ हजार ९२५ पुगेको छ ।

यस्तै पछिल्लो २४ घण्टामा ५ सय ५५ जना निको भएर घर फर्किएका छन् । योसँगै नेपालमा कोरोना संक्रमणमुक्त हुनेहरुको संख्या ९ लाख ५५ हजार ४५८ पुगेको छ ।

पछिल्लो २४ घण्टामा देशभर ८ हजार ६२८ जनाको परीक्षण हुँदा हालसम्म कुल ६४ लाख ६१ हजार ४०० जनाको पीसीआर–एन्टिजेन परीक्षण भएको छ ।

यसैगरी पछिल्लो २४ घण्टामा कोरोना संक्रमणका कारण १ को मृत्यु भएको छ । नेपालमा कोरोना संक्रमणबाट मृत्यु हुनेको संख्या ११ हजार ९३२ पुगेको छ ।