काठमाडौँ। काठमाडाैँ जिल्लामा १२ देखि १७ वर्ष उमेर समूहका बालबालिकालाई भोलि (मंगलबार)देखि कोभिडविरुद्धको फाइजर खोप दिइने भएको छ । स्वास्थ्य कार्यालय काठमाडौँले जिल्लाका साे उमेर समूहका बालबालिकालाई मङ्गलबारदेखि फाइजर खोप दिने निर्णय गरेको हो ।

काठमाडौं महानगरपालिकाभित्र ३२ सै वटा वडामा तोकिएका खोप केन्द्रमा गएर खोप लगाउन आग्रह गरिएको छ । उमेर खुल्ने कागजात लिई तोकिएका खोप केन्द्रमा भिडभाड नगरी स्वास्थ्यका मापदण्ड पालना गरी खोप लिन कार्यालयले आग्रह गरेको छ ।