काठमाडौँ। देशभर थप ३९३ जनामा कोरोना भाइरसको सङ्क्रमण पुष्टि भएको छ । स्वास्थ्य तथा मन्त्रालयका अनुसार पछिल्लो २४ घण्टामा पीसीआर विधिबाट ७७९४ र एन्टिजेन विधिबाट १५३५ जनामा परिक्षण गर्दा ३९३ जनामा कोरोना सङ्क्रमण पुष्टि भएको हो । यससँगै नेपालमा कुल संक्रमितको संख्या पीसीआरबाट ८ लाख २९ हजार ६३२ र एन्टिजेनबाट ९६ हजार ३१८ जना पुगेको छ ।

यस्तै, आज थप २६३ जना कोरोना संक्रमण मुक्त भएका छन् । यससँगै कुल कोरोना संक्रमण मुक्त हुनेको संख्या ८ लाख १२ हजार ९३७ जना पुगेको छ । निको हुने दर ९८ प्रतिशत रहेको छ ।

यसैगरी पछिल्लो २४ घण्टामा संक्रमणबाट थप ३ जनाको मृत्यु भएको छ । यससंगै नेपालमा कोरोनाबाट ज्यान गुमाउनको कुल संख्या ११ हजार ६०१ पुगेको छ। हाल देशभर सक्रिय संक्रमितको संख्या ५ हजार ९४ रहेको छ ।