काठमाडौँ। नेपाली बजारमा मंगलबार सुनको भाउमा सामान्य गिरावट आएको छ। सोमबार प्रतितोला ९३ हजार २०० रुपैयाँमा कारोबार भएको छापावाल सुन मंगलबार तोलामा २ सय रुपैयाँले घटेर ९३ हजार रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ।

यस्तै तेजाबी सुन प्रतितोला ९२ हजार ५०० रुपैयाँ कायम भएको छ ।

यसैगरी आज चाँदीको भाउ भने बढेको छ। मंगलबार चाँदी तोलामा १० रुपैयाँले बढेर प्रतितोला १ हजार २ सय ६० रुपैयाँमा कारोबार भइरहेको महासंघले जनाएको छ।