काठमाडौँ । देशभर थप २७१ जनामा कोरोना सङ्क्रमण पुष्टि भएको छ।  पछिल्लो २४ घण्टामा ९ हजार १५७ जनाको पीसीआर परीक्षण गर्दा २५१ जना र १ हजार ७२९ जनाको एन्टीजेन परीक्षण गर्दा २० जनामा गरी जम्मा २७१ जनामा कोरोना भाइरस संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ। यससँगै नेपालमा हाल संक्रमितको कुल संख्या ९ लाख २३ हजार ६७३ पुगेको छ ।

यस्तै पछिल्लो २४ घण्टामा थप २२५ जना कोरोना संक्रमण मुक्त भएका छन् । यससँगै कुल कोरोना संक्रमण मुक्त हुनेको संख्या ८ लाख ११ हजार ५ जना पुगेको छ । निको हुने दर ९८ प्रतिशत रहेको छ ।

यसैगरी पछिल्लो २४ घण्टामा संक्रमणबाट थप १ जनाको मृत्यु भएको जानकारी छ । यससँगै नेपालमा कोरोनाबाट ज्यान गुमाउनको कुल संख्या ११ हजार ५८६ पुगेको छ । हाल देशभर सक्रिय संक्रमितको संख्या ४ हजार ९३१ रहेको छ ।