काठमाडौँ। बुधबार नेपाली बजारमा सुनको भाउ घटेको छ । मंगलबार प्रतितोला ९३ हजार रुपैयाँमा कारोबार भएको छापावाल सुन बुधबार तोलामा ४०० रुपैयाँले घटेर प्रतितोला ९२ हजार ६०० रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ।

यस्तै तेजाबी सुन प्रतितोला ९२ हजार १०० रुपैयाँ कायम भएको छ ।

यसैगरी आज चाँदीको मूल्य भने बढेको छ । चाँदी आज तोलामा १० रुपैयाँले बढेर प्रतितोला एक हजार २४५ रुपैयाँमा कारोबार भइरहेको महासंघले जनाएको छ।