काठमाडौँ। देशभर थप २ सय ५४ जनामा कोरोना संक्रमण पुष्टि भएको छ । पछिल्लो २४ घण्टामा ६ हजार २६८ जनाको आरटी–पीसीआर विधिबाट परीक्षण गर्दा २ सय ४२ जना र २ हजार ४१४ जनाको एन्टिजेन विधिबाट परीक्षण गर्दा १२ जनामा गरी जम्मा २५४ जनामा कोरोना संक्रमण पुष्टि स्वास्थ्य तथा जनसंख्या मन्त्रालयले जनाएको छ। योसँगै नेपालमा कोरोना भाइरस संक्रमितको कुल संख्या ९ लाख २० हजार ००४ पुगेको छ ।

यस्तै पछिल्लो २४ घण्टामा देशभर २ सय ३४ जना निको भएर घर फर्किएका छन् । योसँगै नेपालमा कोरोना संक्रमणमुक्त हुनेहरुको संख्या ८ लाख ०६ हजार ७७८ पुगेको छ ।

यसैगरी पछिल्लो २४ घण्टामा थप १ जना संक्रमितको मृत्यु भएको छ । योसँगै हालसम्म नेपालमा कोरोना संक्रमणबाट मृत्यु हुनेको संख्या ११ हजार ५५४ पुगेको छ ।