दूध पिउनु स्वास्थ्यको लागि स्वास्थवर्धक मानिए पनि यसको सेवनले अन्य विभिन्न रोगहरु समेत निम्त्याउने गर्दछ । दुधमा क्याल्शियम, प्रोटीन, भिटामिन डी, पोटेशियमसहित धेरै पोषक तत्वहरू समावेश हुन्छ र यसलाई स्वास्थ्यको लागि निकै लाभदायक मानिन्छ । तर दुधका केही बेफाइदाहरू छन्, जसबाट सचेत रहनु जरुरी छ ।

यद्यपि अनुसन्धानकर्ताहरु यस धारणामा एकमत छैनन् । उनीहरू भन्छन कि दूधलाई एक सुपरफूडको रुपमा देख्नु ठीक छैन । दूध पिउनु शरीरका लागि लाभदायक छ, तर अधिक मात्रामा दूध पिउँदा यसको बेफाइदाहरू पनि छन् । अमेरिकाको स्ट्यान्फोर्ड रोकथाम अनुसन्धान केन्द्रका प्रोफेसर र पोषण अनुसन्धानकर्ता क्रिस्टोफर गार्डनरले डिस्कभर पत्रिकालाई भने, ‘दुग्धजन्य पदार्थहरूमा कुनै पनि अनौठो पोषक तत्त्वहरू भेटिएन जुन अरू कुनै चीजमा पाइदैन ।’

दुध पिउँदा यी बिमारी हुन सक्छ

स्वास्थ्य विज्ञहरूका अनुसार उच्च मात्रामा दुधले थुप्रै रोगलाई निम्त्याउन सक्छ । विशेष गरी गाईको दुध पिउँदा, बढी ध्यान दिनुपर्दछ । यस अध्ययनका लेखकहरू, विलेट र लुडविगले तिनीहरूको अध्ययन समीक्षा गरे र पत्ता लगाएका छन् कि दुग्धजन्य पदार्थको अत्यधिक प्रयोगले पुरुषहरूमा प्रोस्टेट क्यान्सर र एन्डोमेट्रियल क्यान्सरको जोखिम बढाउँदछ । यद्यपि यस विषयमा अझ बढी अनुसन्धान भइरहेको छ ।

पूर्ण क्रीम दूधमा फ्याट र सोडियम उच्च हुन्छ । यी दुबै चीजले तपाईंको मुटुमा नराम्रो असर गर्छ । एजेन्सी