काठमाडौं । सरकारले काठमाडौं उपत्यकाका तीन वटै जिल्ला प्रशासन कार्यालयबाट विद्युतीय राहदानी (ई-पासपोर्ट) अर्को हप्ताबाट वितरण गर्ने भएको छ ।

काठमाडौं, भक्तपुर र ललितपुरका जिल्ला प्रशासन कार्यालयबाट पनि दैनिक रुपमा ई-पासपोर्ट वितरण गर्ने भएको हो ।

हाल त्रिपुरेश्वरस्थित विभागको नयाँ भवनमा ई-पासपोर्ट छपाइ र वितरण भइरहेको छ । विभागका प्रवक्ता शरदराज आरनले पहिलो चरणमा तीनवटै कार्यालयबाट दैनिक सय वटामात्रै ई-पासपोर्ट वितरण हुने जानकारी दिएका छन् । ‘हामीले यो हप्ताभरिमा काठमाडौं उपत्याकका जिल्लामा सेवा विस्तार गर्न तयारी सक्छौं,’ आरनले भने, ‘अर्को हप्ताबाट ई-पासपोर्ट जिल्लामा पनि पुग्छ ।’

अहिलेसम्म विभागबाट दैनिक २ सय जनासम्मलाई ई-पासपोर्ट वितरण भइरहेको छ ।