कपिलवस्तु । कपिलवस्तुमा ट्याक्टरले ठक्करबाट बालिकाको मृत्युको विषयलाई लिएर प्रहरी र स्थानीयबीच झडप हुँदा नौ जना सुरक्षाकर्मी घाइते भएका छन् ।

लु ३ त ७६ नम्बरको ट्याक्टरले यशोधरा गाउँपालिका ६ सुठौली कार्यालय नजिकै १२ वर्षीय बालिका सुमन यादवलाई ठक्कर दिँदा उनको मृत्यु भएको थियो ।

मृत्युको विषयलाई लिएर सवारी साधन तोडफोड गर्न खोजेका स्थानीयवासी र प्रहरीबीच झडप भएको हो । स्थितिलाई नियन्त्रणमा ल्याउन प्रहरीले पाँच राउण्ड र सशस्त्र प्रहरीले ६ राउण्ड अश्रु ग्यास फायर गरेका थिए ।