काठमाडौं । नेपाली काँग्रेसका उपसभापति विमलेन्द्र निधिले औपचारिक रुपमा प्यानलसहित २१ गते सभापतिमा उम्मेदवारी घोषणा गरेका छन् ।

आफ्नो प्यानलमा रहने नेताहरूको नाम भने सार्वजनिक नगरेका निधिले विहीबार नयाँ बानेश्वरस्थित आफ्नो सम्पर्क कार्यालयमा घोषणापत्रसहित सञ्चारकर्मीसँग प्रस्तुत भएका थिए ।

निधिले मंसिर २१ गते सभापतिमा उम्मेदवारी दर्ता गराउने बताए । उनले भने, ‘म सभापतिको उम्मेदवार छु, रहन्छु । आज चुनावी घोषणापत्र पनि जारी गरेको छु । मंसिर २१ गते केन्द्रीय सभापतिमा मैले उम्मेदवारी दर्ता गराउँछु ।’