काठमाडौँ । काठमाडौँ जिल्ला अदालतले अख्तियार दुरुपयोग अनुसन्धान आयोगका प्रमुख आयुक्त प्रेमकुमार राई लगायतलाई ज्यान मार्ने धम्की दिएको अभियोगमा मुद्दा दायर भएका प्रकाश पाठकलाई पुर्पक्षका लागि जेल चलान गर्न आदेश दिएको छ ।

अदालतका न्यायाधीश सुदर्शन लामिछानेको इजलासले शुक्रबार पाठकलाई पुर्पक्षका लागि थुनामा पठाउन आदेश दिएको हो ।

अदालतले मुलुकी फौजदारी कार्यविधि संहिता, २०७४ को दफा ८० बमोजिम थुनुवा पूर्जी दिएर कारागार चलान गर्न भनेको छ ।

पाठकविरुद्ध आपराधिक षडयन्त्र, आपराधिक लाभ, हुण्डी, विद्युतीय कारोबार र सङ्गठित अपराधको कसुरमा सजायको मागदाबी लिएर जिल्ला अदालत काठमाडौँमा मुद्दा दायर भएको थियो ।