राजविराजमा आइतबार आयोजित पत्रकार सम्मेलनमा त्रिपाठीले राजनीति लिकबाहिर गए पनि कसैलाई चिन्ता नभएको बताए । उनले भने, ‘न्यूनतम एजेन्डामा राष्ट्रिय सहमति बनाएर राजनीतिलाई लिकमा ल्याउनु जरुरी छ । तर यसतर्फ कसैको ध्यान छैन ।’

त्रिपाठीले राजनीतिलाई लिकमा नल्याए देशमा दुर्घटना हुने र अहिलेसम्मको उपलब्धि गुम्न सक्ने उनले बताए । केही शक्तिले उपलब्धिमाथि नै प्रहार गर्न खोजेको उनको भनाइ छ ।

अध्यक्ष त्रिपाठीले देशको संविधान घाइते बन्दै गएको पनि बताए । सर्वोच्च अदालतले पनि संविधानलाई घाइते बनाएको उनको भनाइ छ ।