काठमाडौँ। टिपरको ठक्कबाट दुई स्कुले बालिकाको मृत्यु भएपछि काठमाडौंको सुन्दरीजल क्षेत्रमा तनाव सिर्जना भएको छ।

बुधबार बिहान गोकर्णेश्वर नगरपालिका वडा नम्बर १ को मेलम्ची चोकमा टिपरको ठक्करबाट स्कुल जाँदै गरेका दुई बालिकाको मृत्यु भएको थियो। टिपरको ठक्करबाट मोटरसाइकल चालक रोहन घिसिङ गम्भीर घाइते भएका छन् । उनको अहिले नेपाल मेडिकल कलेज अत्तरखेलमा उपचार भइरहेको छ ।चालकले टिपर ब्याक गरेर दुवै छोरीलाई किचेको घिसिङको आरोप छ ।

बालिकाको मृत्यु भएपछि आक्रोशित स्थानीयले टिपरमा ढुंगामुढा गरेका थिए। उनीहरूले टिपरमा आगजनीसमेत गरेका छन्।

अहिले त्यहाँ बाक्लो संख्यामा प्रहरीको टोली खटिएको छ। प्रहरीले स्थानीयमाथि अश्रुग्याससमेत प्रहार गरेको छ।