काठमाडौँ। देशभर थप १४७ जनामा कोरोना सङ्क्रमण पुष्टि भएको छ। देशभर पछिल्लो २४ घण्टामा गरिएको १ हजार ४४६ जनाको आरटी–पीसीआर विधिबाट परीक्षण गर्दा १ सय ३६ जना र ३ सय २७ जनाको एन्टिजेन विधिबाट परीक्षण गर्दा ११जनामा गरी जम्मा १४७ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ। योसँगै नेपालमा कोरोना भाइरस संक्रमितको कुल संख्या ८ लाख ९७ हजार ९९७ पुगेको छ ।

यस्तै पछिल्लो २४ घण्टामा देशभर ८ सय ४५ जना निको भएर घर फर्किएका छन् । योसँगै नेपालमा कोरोना संक्रमणमुक्त हुनेहरुको संख्या ७ लाख ८० हजार ७ सय ७६ पुगेको छ ।

यसैगरी पछिल्लो २४ घण्टामा थप १ संक्रमितको मृत्यु भएको छ । हालसम्म नेपालमा कोरोना संक्रमणबाट मृत्यु हुनेको संख्या ११ हजार २७० पुगेको छ ।