काठमाडौँ। देशभर पछिल्लो २४ घण्टामा थप २७२ जनामा कोरोना सङ्क्रमण पुष्टि भएको छ। देशभर गरिएको २ हजार ९२ जनाको आरटी–पीसीआर विधिबाट परीक्षण गर्दा २ सय ४० जना र २ हजार ६ सय २० जनाको एन्टिजेन विधिबाट परीक्षण गर्दा ३२ जनामा गरी जम्मा २७२ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ। योसँगै नेपालमा कोरोना भाइरस संक्रमितको कुल संख्या ८ लाख ९७ हजार ८६१ पुगेको छ ।

यस्तै पछिल्लो २४ घण्टामा देशभर ७ सय ७७ जना निको भएर घर फर्किएका छन् । योसँगै नेपालमा कोरोना संक्रमणमुक्त हुनेहरुको संख्या ७ लाख ७९ हजार ९ सय ३१ पुगेको छ ।

यसैगरी पछिल्लो २४ घण्टामा थप ८ संक्रमितको मृत्यु भएको छ । हालसम्म नेपालमा कोरोना संक्रमणबाट मृत्यु हुनेको संख्या ११ हजार २६९ पुगेको छ ।