काठमाडौँ। मुगुको छायानाथ रारा नगरपालिका–७ पर्चानीमा भएको बस दुर्घटनामा ज्यान गुमाउनेको संख्या २४ पुगेको छ। मुगुका प्रमुख जिल्ला अधिकारी रोमबहादुर महतले अहिलेसम्म २४ जनाको मृत्यु भएको जानकारी दिए । मृत्तकको सङ्ख्या अझै बढ्न सक्ने उनले बताए ।

त्यस्तै १८ जना गम्भीर घाइते भएका छन् । घाइतेमध्ये १४ जनालाई उपचारको लागि हेलिकप्टरद्वारा नेपालगञ्ज पठाइएको उनले बताए ।

नेपालगञ्जबाट मुगुको सदरमुकाम गमगढी जाँदै गरेको भे१ख ३१६७ नम्बरको बस छायाँनाथ रारा नगरपालिका–७, पिना झ्यारीखोलामा मंगलबार दिउँसो २ बजे दुर्घटना भएको हो ।

अहिले प्रहरी टोली र स्थानीयहरुको सहयोगमा उद्धार भइरहेको छ। घटनाबारे पूर्ण विवरण आइसकेको छैन ।