गुल्मीमा चिर्पट प्रहार गरेर एक जना महिलाको हत्या भएको छ। रेसुंगा नगरपालिका वडा नम्वर १३ दुबिचौरका २५ वर्षीय प्रकाश विकले ६० वर्षीया पार्वती विकको हत्या गरेको जिल्ला प्रहरी कार्यालय गुल्मीले जानकारी दिएको छ।

आइतबार साँझपख चिर्पट प्रहार गर्दा टाउकोमा गम्भीर चोट लागेकी विककोे गुल्मी अस्पतालमा ल्याउँदै गर्दा मृत्यु भएको हो।

हत्या गर्ने प्रकाश प्रहरीको नियन्त्रण रहेका छन् । प्रहरीका अनुसार शवलाई अहिले गुल्मी अस्पतामा राखिएको र केही समय पश्चात् पोष्टमार्टम् गरी आफन्तको जिम्मा लगाइने भएको छ।
घटनाको बारेमा थप अनुसन्धान भइरहेको बताइएको छ।