रुकुम पश्चिमको सानीभेरी गाउँपालिका–११ अर्मापाखामा जिप दुर्घटना हुँदा एक जनाको मृत्यु भएको छ भने दुई जना घाइते भएका छन्। मृत्यु हुनेमा सानीभेरी गाउँपालिका–९ का ३१ वर्षीय जीवन भण्डारी रहेका छन् ।

आइतबार बिहान करिब ३ बजे जिप दुर्घटना भएको प्रहरीले जनाएको छ। जिल्ला प्रहरी कार्यालय रूकुम पश्चिमका अनुसार ग १ ज ४४५४ नम्बरको जिप सडकबाट १०० मिटर तल खसेको थियो।

दुर्घटनामा परी सानीभेरी–३ का १९ वर्षीय समीर परियार र वडा नम्बर १० का २९ वर्षीय तिलक खड्का घाइते भएका छन्। उनीहरुको अवस्था सामन्य रहेको र उपचारका लागि चौरजहारी लगिएको छ। दुर्घटनाको विस्तृत जानकारी आउन बाँकी रहेको प्रहरीले बताएको छ।