काठमाडौं । नेकपा(एकीकृत समाजवादी)ले सरकारमा सहभागी हुने मन्त्रीहरुको नाम टुंगो लगाएको छ । शुक्रबार बिहान बसेको एकीकृत समाजवादीको केन्द्रीय सचिवालय बैठकले मन्त्रीहुनेहरुको नाम र मन्त्रालय टुंगो लगाएको हो।

समाजवादीले विरोध खतिवडा, रामकुमारी झाँक्री, प्रेम आले र किसान श्रेष्ठलाई मन्त्री बनाएर पठाउने भएको छ । त्यस्तै भवानी खापुङलाई राज्यमन्त्री बनाउन लागिएको छ ।

खतिवडालाई सहरी विकास, झाँक्रीलाई स्वास्थ्य, आलेलाई पर्यटन र श्रेष्ठलाई श्रम मन्त्रालयको जिम्मेवारी दिइने भएको छ । राज्यमन्त्री खापुङको भने मन्त्रालय टुंगिन बाँकी रहेको बताइएको छ ।